Kyun ho pareshaaN kabhi hum ko bataya kijiye
kuch humse suniye humari, kuch apni sunaya kijiye
Zindagi yun hi aasaan ho jayegi
jo samjhate hain auro ko, khud bhi samajh jaya kijiye
Yun to aa jaya karte ho humare khwabo me aksar
kabhi laangh kar dar-o-diwar khwabo ke, rubaru bhi aa jaya kijiye
kab tak roothe hum tumse aur khud hi maan jaaya kare,
ek bachche ki jid maan kar hi sahi, kabhi to hume manaaya kijiye
shab-e-gham me taaro ko gin_ne se mushkile aasaaN nahi hoti,
Jab bhi chaand aaye tere chhat pe, dekhte dekhte use so jaaye kijiye
aur bhi shiddat se yaad aata hai hume wo dost pichhle mod ka
jab kabhi humne samjhaya hai khud ko ki use bhul jaya kijiye
No comments:
Post a Comment